Пилотный проект по организации и проведению экскурсий
1. Маршрут "Сцяжынкамі Бацькаўшчыны"
2. Маршрут "Залатое кальцо малой радзімы"
Мэта:
-фарміраванне нацыянальнай свядомасці і нацыянальнага светаўспрымання вучняў у вучэбна-выхаваўчым працэсе;
-выхаванне павагі да культурна-гістарычных каштоўнасцей свайго народа, яго нацыянальнай і радаслоўнай спадчыны, прывіццё любові да Бацькаўшчыны, выхаванне пачуцця гонару за Радзіму, за яе гістарычную памяць;
-фарміраванне актыўнай грамадзянскай і асабістай пазіцыі ў станаўленні моцнай і аўтарытэтнай дзяржавы.
Задачы:
-стварыць умовы ў навучальным працэсе, пазакласнай і гуртковай рабоце для індывідуальнага самавызначэння вучняў, для фарміравання нацыянальнага “Я”- нацыянальнай свядомасці і грамадзянскай пазіцыі;
-аказаць маральна-псіхалагічную і практычную дапамогу ў развіцці іх індывідуальнасці, творчага патэнцыялу, схільнасцей, здольнасцей у жыццёвым самавызначэнні, у поўнай рэалізацыі сябе;
-прывіць цікавасць да роднай мовы, гісторыі і культуры Беларусі;
-выхоўваць павагу да славутых людзей Беларусі і іх справы;
-вучыць павазе да правілаў, нормаў і законаў жыцця свайго народа;
-адраджаць традыцыі, выкарыстоўваць выхаваўчы патэнцыял каляндарна-абрадавага цыкла беларусаў;
-выпрацоўваць імкненне развіваць свае інтэлектуальныя, духоўныя і маральныя якасці;
-развіваць творчыя здольнасці дзяцей ва ўсіх відах мастацкай дзейнасці;
-выхоўваць грамадзянскасць і патрыятызм.
У школе развіваюцца тры асноўныя накірункі ў рэалізацыі дадзеных мэт і задач.
Першы накірунак – аднаўленне і выкарыстанне школьнага музея ў выхаваўча-навучальным працэсе.
Другі накірунак – выкарыстанне метада вуснай гісторыі пры вывучэнні мінулага сваёй мясцовасці і напісанне на яго аснове навукова-даследчых прац (“Пасляваенны быт на Мядзельшчыне 1944-1955г.г.”, “Сваткаўскі мерыдыян” (з гісторыі вёскі Сваткі).
Трэці накірунак – распрацоўка і рэалізацыя краязнаўчых праектаў (“Залатое кальцо малой радзімы”).
Праект “Залатое кальцо малой радзімы”
Дзейнасць школы прадугледжвае не толькі адукацыю ў межах школьнай праграмы, але і збор гістарычных матэрыялаў роднай мясцовасці, правядзенне краязнаўчай работы, турысцкія паходы.
Вялікае значэнне надаецца вывучэнню падзей Першай і Другой сусветных войнаў, ушанаванню памяці выдатных прадстаўнікоў мінулага вёскі Сваткі, Пількаўшчына і Мядзельскага раёна ў цэлым. Вядома здаўна: хто не ведае мінулага, той не мае будучыні.
Абаснаванне праекта:
Непакой за цябе, зямля мая,
За твой ураджай, спакойны сон,
За дрэва кожнае ў гаях,
За весніх песень перазвон,
Непакой за цябе, зямля мая,-
Мой хлеб надзённы.
Максім Танк
Мэтавая група: рэалізацыя праекта накіравана на вучняў 6-8 класаў.
Мэта праекта: дапамагчы дзецям зразумець і ўсвядоміць неабходнасць захавання гістарычнай спадчыны сваёй мясцовасці як часткі нацыянальнай гісторыі.
Задачы праекта:
-выхоўваць дзяцей у духу нацыянальных традыцый;
-садзейнічаць праяўленню і фарміраванню зацікаўленасці вучняў да гістарычнага мінулага;
-уключаць падлеткаў у грамадскае жыццё, прывучаць да разумовай даследчай і фізічнай працы;
-выхоўваць пачуццё патрыятызму, любоў і павагу да роднага краю, да ўласнай культуры і спадчыны;
-спрыяць фізічнаму аздараўленню вучняў шляхам арганізацыі экскурсій і паходаў.
Метады і шляхі рэалізацыі праекта:
-арганізацыя пахода па вызначаным маршруце;
-працоўны дэсант (добраўпарадкаванне гістарычных помнікаў і мясцін па вызначаным маршруце);
-стварэнне падрабязнай карты “Гістарычныя мясціны раёна”;
-супрацоўніцтва з музеем Народнай славы (пошук новай інфармацыі аб мінулым вёскі Сваткі і прылягаючых мясцінах і вёсках).
Пачатак маршрута. Вёска Сваткі
Наведванне музея Максіма Танка. Знаёмства з гістарычным мінулым вёскі і экспазіцыяй, прысвечанай народнаму паэту Максіму Танку. Наведванне помніка загінуўшым у час Вялікай Айчыннай вайны.
Вёска Гарадзішча
Каля паўночнай ускраіны вёскі, справа ад дарогі Мядзел-Княгінін, знаходзілася ўмацаванае паселішча. Знойдзеныя пры даследаванні матэрыялы адносяцца да двух культур – штрыхаванай керамікі і банцараўскай.
Гарадзішча ўзнікла ў 6ст. да н.э. Першапачаткова было ўмацавана драўлянай сцяной па краі пляцоўкі. У канцы 3 – п. 4 ст. да н.э. жыццё на гарадзішчы спынілася. Адноўлена ў пачатку 6 ст. н.э. на селішчы, якое ўзнікла побач з гарадзішчам. Гарадзішча перабудавана і ператворана ў крэпасць-сховішча на выпадак ваеннай небяспекі. У якасці сховішча гарадзішча выкарыстоўвалася да 8 ст.
Вёска Наўры. Возера Пясечнае
Курганны могільнік, што знаходзіцца за 1 км ад вёскі. Пахавальны абрад – трупапалажэнне галавой на захад. У адным кургане выяўлена трупаспаленне. Знойдзены сякеры з шырокім лязом, нажы, жаночыя сярэбраныя і бронзавыя падвескі, пярсцёнкі. Могільнік датуецца 11-12 стагоддзямі, належаў мяшанаму крывіцка-дрыгавіцкаму насельніцтву.
Начлег на беразе маляўнічага возера Пясечнае.
Вёска Пількаўшчына
Наведванне сядзібы, дзе нарадзіўся Максім Танк. Сустрэча з жонкай брата паэта.
Вёска Ліпава
Наведванне мемарыяльнага знака ў гонар Героя Савецкага Саюза А.С. Бычака.
Вёска Азаркі
Курганны могільнік. Паблізу вёскі, на ўсходнім беразе возера Баторына. Мясцовая назва – Татарскія могілкі.
Нябожчыкаў спальвалі разам з рэчамі, рэшткі спаленняў змяшчалі ў урнах або ссыпалі ў зямлю, таксама сустракаюцца курганы з трупапалажэннем. Пахаванні ў курганных насыпах бываюць на розных узроўнях: на гарызонце, у неглыбокіх падкурганных ямах, на рознай глыбіні ў насыпе і адразу пад дзёрнам.
Вёска Шкленікова
Частку краявідаў Мядзельшчыны складаюць валуны. Яны прынесены ледавіком са Скандынавіі ў час паазерскага аледзянення прыкладна 15-20 тысяч гадоў назад. Валуны ўвайшлі не толькі ў матэрыяльную, але і ў духоўную спадчыну беларусаў. Тыя камяні, якія маюць народныя назвы і пра якія расказваюць паданні, з надпісамі, выемкамі, знакамі і малюнкамі прынята адносіць да культавых.
Чортавым каменем завецца чырвона-буры валун, што ляжыць за адзін кіламетр на поўдзень ад вёскі Шкленікова Сваткаўскага сельсавета сярод поля. Даўжыня яго 4,6м, вышыня 80 см. Маса больш за 40 тон.
Арэал распаўсюджання валуноў з назвай Чортаў камень і падабенства дазваляюць гаварыць аб такіх валунах як аб адной з асаблівасцей тэрыторыі, занятай у жалезным веку і раннім Сярэднявеччы балтамі.
План рэалізацыі праекта
Назва накірунку
|
Вучэбна-выхаваўчая дзейнасць
|
Грамадска
карысная праца
|
Творчая дзейнасць
|
Музей
|
в.Сваткі
|
Знаёмства
з гістарычным мінулым вёскі, наведванне помніка загінуўшым
у гады ВАВ
|
|
|
Наведванне музея імя
Максіма
Танка
|
в.Гарадзішча
|
Знаёмства са старажытным паселішчам,
гаспадарчай
дзейнасцю
|
|
Стварэнне эскізаў
з мэтай
далейшага стварэння макета старажыт-
нага Гарадзішча
|
|
в.Наўры
|
Знаёмства са старажыламі вёскі.
Запіс успамінаў
|
Добраўпарадкаванне стаянкі на беразе возера
|
|
|
в.Ліпава
|
Наведванне
і ўскладанне кветак
ля помніка А.С.Бычака
|
|
Пошук
і праца з гістарычнымі матэрыяламі аб ВАВ
|
|
в.Пількаў-
шчына
|
Літаратурны мітынг-рэквіем “Паэтычны вянок М.Танку”
|
|
|
Накапленне матэрыялаў
для школьна-
га музея
|
в.Лук’янаві-
чы
|
|
Добраўпарадкаванне помніка загінуўшым у час ВАВ
|
|
|
в.Шкленікова
|
Добраўпарадкаванне старажытнага
могільніка
|
|
Конкурс творчых сачыненняў “Жыццё нашых продкаў”
|
|
г.Мядзел
|
|
|
|
Наведванне музея
Народнай
славы
|