05.03.2024

V вучнёўская навукова-практычная канферэнцыя

5 сакавіка ва ўстанове “Дзяржаўны музей гісторыі беларускай літаратуры” адбылася V вучнёўская навукова-практычная канферэнцыя “Беларусь, ты збудавана з беларускіх слоў!”. Для ўдзелу ў канферэнцыі было пададзена звыш за 80 заявак вучняў VІІI-XІ класаў з г. Мінска і Мінскай вобласці. Арганізацыйны камітэт і журы адабралі 33 работы да ўдзелу ў вочным этапе. Канферэнцыя праводзілася ў аб’яднанай літаратурна-краязнаўчай секцыі, падзеленай на 2 ўзроставыя катэгорыі. Вынікі канферэнцыі падводзіліся Экспертным саветам – прадстаўнікамі акадэмічнай супольнасці, літаратарамі, педагогамі, супрацоўнікамі музеяў. Работа вучня 11 класа Дземідовіча Аляксея (кіраўнік работы - настаўнік беларускай мовы і літаратуры Тачыцкая Ганна Кірылаўна) была адзначана Дыпломам І ступені.